Nait Hasani, i mbijetuar i masakrës së burgut të Dubravës, ka kujtuar ditët kur ish-të burgosurit shqiptarë ishin grumbulluar me 30 prill të vitit 1999.

Hasani ka thënë se shteti serb ka tentuar t’ia lë fajin NATO-s për masakrën e Dubravës.

Më tutje, Hasani ka kërkuar që masakra e Dubravës të trajtohet në dialogun me Serbinë.

“Kjo masakër ka ndodh me paramendim nga shteti serb, i menduar deri në fund se si të bëhet vrasja. Kështu së bashku më 30 prill 99 na sollën në burgun e Dubravës. Me këto veprime shihet qartë qëllimi i shtetit serb për të vrarë sa më shumë të burgosur si hakmarrje ndaj UÇK-së”.

“Ne si ish të burgosur kërkojmë nga institucionet që masakra e Dubravës të trajtohet në dialogun me Serbinë”,  ka thënë Hasani. /EO