Hoti takohet me Bordin e KOSTT-it
Kryeministri i Kosovës, Avdullah Hoti, ka pritur sot në takim anëtarët e Bordit të KOSTT-it, me të cilët ka biseduar për zhvillimet e përgjithshme në sektorin e energjisë dhe stabilitetit energjetik në vend.
Në profilin e tij në “Facebook”, ai ka shkruar se ka ofruar mbështetjen e qeverisë për këtë institucion.
Postimi i plotë i Hotit:
Sot kam pritur në takim Bordin e KOSTT-it, të kryesuar nga kryesuesi i Bordit, Jeton Mehmeti si dhe Kryeshefin Ekzekutiv, Ilir Shala, me të cilët biseduam për zhvillimet e përgjithshme në sektorin e energjisë dhe stabilitetin energjetik në vend.
Me këtë rast, kam ofruar mbështetjen e Qeverisë së Kosovës, duke qenë se stabiliteti energjetik është parakusht për zhvillim të qëndrueshëm ekonomik të vendit, i rritjes së investimeve të brendshme dhe atyre të jashtme dhe në funksion të mirëqenies së qytetarëve.