Houstoni kërcënon Warriorsin në Perëndim, fitojnë Dallas e Atlanta

23 janar 14:23

Houstoni ka fituar 99-90 ndaj Miami në ndeshjen e radhës në NBA, një përballje që ka qenë mjaft emocionuese dhe me rivalitet, vendosur në sekondat e fundit në favor të ekipit teksan.

Harden me 28 pikë ishte shënuesi më i mirë për Houstonin, duke i bërë të pavlefshme 22 pikët e 13 rebaund të Whiteside për miqtë. Pas dy kohëve shtesë fiton New Orleans, që mundi 132-128 Chicago, një ndeshje spektakolare dhe me rivalitet. Cousins realizoi 44 pikë, 24 rebaund e 10 asistime, duke zhvilluar një ndeshje fantastike, mbështetur edhe nga Davis me 34 pikë. Në fund fiton edhe Memphis, që doli fitues nga përballja me Philadelphia me shifrat 105-101. Të dyja ekipet e kërkuan fitoren, por në fund ajo i buzëqeshi skuadrës vendase, Marc Gasol me 19 pikë (45 pikë erdhën nga lojtarët e stolit).

Minnesota fitoi 126-118 në fushën e Clippers, ndeshje shumë e bukur dhe me rivalitet, ku të dyja skuadrat dueluan fort për fitoren. Edhe pse Griffin realizoi 36 pikë 12 rebaund e 12 asistime, ato mbetën për statistikë, ndërsa për Minnesotën u dalluan Wiggins me 40 pikë e Teague me 30, raporton “Telesport”. Atlanta mposhti 104-90 ndaj Utah Jazz, me Schroder që realizoi 20 pikë, duke qenë më i miri në parket. Në sekondat e fundit triumfon edhe Denveri, që mposhti 104-101 Portlandi, ndeshje e hapur deri në fund. Murray me 38 pikë bëri diferencën në parket për vendasit, duke i bërë të pavlefshme 25 pikët e Lillard për miqtë. Fiton edhe Charlotte, që mundi 112-107 Sacramento, ndeshje ku u dallua Walker me 26 pikë, ndërsa Milwaukee fitoi 109-105 ndaj Phoenix falë 67 pikëve të dyshes Middleton-Brogdon.

Rezultatet

Charlotte – Sacramento       112-107
Atlanta – Utah Jazz              104-90
Houston – Miami                  99-90
Memphis – Philadelphia     105-101
Milwaukee – Phoenix           109-105
New Orleans – Chicago        132-128
Dallas – Washington            98-75
Denver – Portland                104-101
Clippers – Minnesota          118-126

Fjalët Kyçe:

Lajme të sponsorizuara

Të fundit
Sekretari i përgjithshëm  i Lidhjes Demokratike të Kosovës (LDK), Ismet…