Hoxhaj: Hapja e zyrës së Ministrisë së Mbrojtjes të Rusisë në Serbi, shqetësuese
Nënkryetari i Partisë Demokratike të Kosovës, njëherësh edhe deputet i Kuvendit të Kosovës, Enver Hoxhaj, e ka parë si shenjë shqetësuese lajmin se Rusia do ta hapë zyrën e Ministrisë së Mbrojtjes në Serbi.
Hoxhaj ka reaguar në llogarinë e tij në “Twitter”, duke thënë se “kjo gjë paraqet sfidë për fqinjtë dhe orientimin atlantik e më gjerë”.
“Njoftimi nga qeveria ruse për të hapur një zyrë të Ministrisë së tyre të Mbrojtjes në Serbi është një shenjë shqetësuese e pranisë ushtarake gjithnjë e më të afërt të Rusisë në Serbi, duke paraqitur kështu një sfidë për fqinjin dhe orientimin euro-atlantik të rajonit më të gjerë”, ka shkruar nënkryetari i PDK-së.
The announcement by Russian government to open an office of their Ministry of Defense in Serbia is a worrying sign of the ever-closer military presence of Russia in Serbia, thus presenting a challenge to the neighbor’s and the Euro-atlantic orientation of the wider region.
— Enver Hoxhaj (@Enver_Hoxhaj) October 20, 2020