Mesazhi i Xhaçkës: Kombi ynë është rreshtuar në anën e duhur të historisë

28 nëntor 09:47

Ministrja shqiptare për Evropën dhe Punët e Jashtme, Olta Xhaçka, ka shpërndatë sot një mesazh urimi për të gjithë shqiptarët brenda dhe jashtë vendit me rastin e 110-vjetorit të Pavarësisë dhe Ditës së Flamurit.

Në një postim në rrjetet sociale, ministrja Xhaçka theksoi se ky është një moment krenarie për të gjithë shqiptarët, por edhe një moment për të reflektuar mbi arritjet dhe punën që duhet çuar përpara.

“Sot Shqipëria është një realitet krejt ndryshe. Vendi ynë, kombi ynë është rreshtuar në anën e duhur të historisë ashtu si 110 vjet më parë kur shqiptarët triumfuan në luftën e tyre për pavarësi. Sot, Shqipëria është anëtare e NATO-s, ka hapur negociatat me BE-në, qëndron e ulur në Këshillin e Sigurimit të OKB-së dhe po kontribuon në disa prej çështjeve më të rëndësishme me të cilat bota po përballet”, u shpreh ajo në mesazhin e publikuar në rrjetet sociale.

Më 28 Nëntor 1912 u hap Kuvendi i Vlorës me 37 delegatë nga e gjithë Shqipëria. Kryetar i tij u zgjodh Ismail Qemali, i cili deklaroi se shpëtimi i vetëm i Shqipërisë është shpallja e pavarësisë, krijimi i qeverisë, zgjedhja e pleqësisë, që do ta kontrollojë atë dhe dërgimi i një komisioni për ta mbrojtur çështjen shqiptare para Fuqive të Mëdha.

Lajme të sponsorizuara

Të fundit
Kryetar i Kuvendit të Kosovës, Glauk Konjufca, po vazhdon të…