Sot i është dhënë lamtumira e fundit ish-ushtarit të  Ushtrisë Çlirimtare të Kosovës, Agron Haradinaj.

Agroni si i ri ishte i burgosur, ai është vëllau i Nasim Haradinajt dhe djali i veprimtarit të shquar të çështjes kombëtare, Ismajl Haradinaj.

Kryetari i Komunës së Deçanit, Bashkim Ramosaj ka thënë se Agronit i është dhënë lamtumira edhe në emër të Nasim Haradinajt, i cili po mbahet në Hagë.

“Sot i dhamë lamtumirën e fundit Agronit të Ushtrisë Çlirimtare të Kosovës. Sot Agronit i tham lamtumirë edhe në emër të Nasimit, i cili ende vazhdon të jetë në burg. Qoftë i paharruar kujtimi për ty!”, ka shkruar Ramosaj.

Postimi i plotë i Ramosajt:

Në errësirë ku nuk shihej dritë, kishte burra e gra që e mbajtën shpresën gjallë për të pasur rreze dielli mbi këtë vend. Përfaqësuesi më tipik i kësaj shprese ishte Ismajl Haradinaj dhe bashkudhëtarët e tij.

Sot nderuam Agronin e bacës Ismajl, i burgosur si 16 vjeçar.

Sot kujtuam e nderuam Agronin, pjesëtarin e familjes më të persekutuar shqiptare.

Sot i dhamë lamtumirën e fundit Agronit të Ushtrisë Çlirimtare të Kosovës.

Sot Agronit i tham lamtumirë edhe në emër të Nasimit, i cili ende vazhdon të jetë në burg.

Qoftë i paharruar kujtimi për ty!

Lavdi!