Zlatan Ibrahimoviq pritej që të ishte një transferim i Milanit, por ditët e fundit çdo gjë u zyrtarizua dhe 37-vjeçarin vendosi përfundimisht të vazhdojë të qëndrojë te Los Angelos Galaxay.

“U përfolën shumë gjëra, por unë kurrë nuk u largova. Nuk kam mbaruar akoma me MLS-në, kam akoma gjëra për të bërë. Sezoni im i parë ishte sa për nxehje, sezoni i dytë do të jetë ndryshe. Tani i njoh më mirë kundërshtarët e mi, por edhe kampionatin, për më tepër ndihem më mirë fizikisht. Erdha këtu për të mbyllur karrierën, jo për t’u larguar”, ka thënë Ibrahimoviqi.