Një javë pasi u nda nga jeta, në Prishtinë u nderua jeta dhe vepra e producentes, Vjosa Berisha.

Vendosur në arkivol druri, rreth e rrotull mbuluar me lule, trupi i pajetë i artistes qëndroi për herë të fundit në foajenë e Teatrit Kombëtar të Kosovës.

Të shumtë ishin qytetarët, përfaqësues të insitucioneve të vendit, por edhe artistët që u përkulën para arkivolit që u mbulua me flamurin shtetëror të Kosovës.

Vjosa ishte njëra nga producentet shqiptare më të njohura dhe të suksesshme.

Ajo në muajin mars të vitit 2021 ishte diagnostikuar me kancer.