Deputetja britanike, Alicia Kearns, ka shpërndarë një video të presidentit ukrainas Volodymyr Zelenksy, i cili paralajmëroi se Rusia po planifikon luftë të re e në rrezik është Ballkani.

Duke shpërndarë këtë video ajo ka përsëritur shqetësimet që i pati bërë publike muaj më parë.

Të enjten, Zelensky ka bërë thirrje për më shumë vëmendje për Ballkanin, përfshirë Kosovë, pasi që sipas tij ka informacione se Rusia po planifikon që ta nisë një luftë për ta larguar vëmendjen nga Ukraina.

“Kam paralajmëruar vazhdimisht se ne duhet ta gjejmë përkushtimin tonë në Ballkan dhe të mos përsërisim dështimet e parandalimit. Ballkani është në fqinjësinë tonë dhe kemi përgjegjësi historike. Unë kam paralajmëruar në qershor se çfarë mund të shohim në Kosovë, por u hodh poshtë. Fatkeqësisht, shqetësimet e mia u bënë realitet”, ka shkruar ajo në “Twitter”.

I’ve warned repeatedly that we need to find our backbone in the Balkans & not repeat failures of deterrence.

The Balkans is our backyard & we have historic responsibilities.

I warned in June of what we might see in Kosovo but was rubbished.

Sadly my concerns were realised. https://t.co/yZ82EoSnGS

— Alicia Kearns MP (@aliciakearns) November 16, 2023