KEDS-i angazhon mbi 400 punëtorë në terren pas motit të ligë

22 mars 2021 | 11:29

Kompania Kosovare për Distribuim të Energjisë Elektrike (KEDS) ka angazhuar mbi 400 punëtorë në terren për të intervenuar në zonat e prekura pas motit të ligë që kaploi vendin.

Sipas KEDS-it, që nga dita e djeshme dhjetëra ekipe janë gjithandej vendit që t’i sanojnë dëmet e shkaktuara në rrjet.

“Ekipet po punojnë pa ndërprerë, me të gjitha kapacitetet, në mënyrë që konsumatorëve t’u rikthehet furnizimi me energji elektrike. Moti i ligë, i cili po vazhdon edhe gjatë ditës së sotme, ka shkaktuar dëme në rrjet. Zonat të cilat janë më të prekura nga dëmet në rrjet janë: Peja, Gjakova, Prizreni, Ferizaj dhe pjesërisht Prishtina dhe Mitrovica. Reshjet e vazhdueshme të borës kanë bërë që në zonat periferike dhe ato malore, depërtimi deri tek avaria e shfaqur në rrjet të jetë më i vështirë, por ekipet tona po bëjnë përpjekje maksimale që edhe në ato zona të sanohen dëmet dhe të rikthehet furnizimi me energji”, thuhet në njoftimin për media.

KEDS-i është duke bërë monitorimin e rrjetit në kohë reale përmes programit “Kosovanet”, ku evidentimi i avarive po bëhet në kohë rekorde, ndërkaq përmes sistemit SCADA po mundësohet kontrollimi i nënstacioneve dhe intervenimi më i shpejtë nga ekipet tona.

KEDS-i u bën apel qytetarëve që të bashkëpunojnë me ekipet në terren dhe nëse shohin ndonjë avari në rrjet ta raportojnë atë përmes Qendrës së Thirrjes në numrin pa pagesë: 0800 791 00 dhe rrjeteve sociale të kompanisë.

Fjalët Kyçe:

Lajme të sponsorizuara

Të fundit
Deputetët e Kuvendit të Kosovës të legjislaturës së tetë kanë…