Këto janë rezultatet e tri ndeshjeve në Superligën e Kosovës në futboll
23 tetor 2022
| 15:02
Kanë përfunduar tri përballjet përmbyllëse të xhiros së 13-të në elitën e futbollit të Kosovës.
Ballkani nuk ka marrë më shumë se një pikë në duelin kundër Dukagjinit në stadiumin “18 Qershori” në Klinë, duke barazuar 1:1.
Me rezultat identik të njëjtë ka përfunduar ndeshja tjetër në Mitrovicë mes Trepçës ‘89 dhe Gjilanit.
“Kuqebardhët” avancuan të parët me golin e Baton Zabërgjës në minutën e 41-të.
Christian Mba ka realizuar për 89-shin për t’i barazuar shifrat dhe njëherit vendosi epilogun përfundimtar të përballjes.
Nga një pikë kanë arkëtuar edhe Drenica dhe Malisheva që barazuan 0:0 në stadiumin “Bajram Aliu” në Skenderaj.