Ministrja e Drejtësisë, Albulena Haxhiu, kidnapimin e tre policëve të Kosovës e ka quajtur provokim të Serbisë dhe për këtë ka thënë se edhe faktori ndërkombëtar duhet të përgjigjet.

“Serbia kriminale ka rrëmbyer tre pjesëtarë të policisë së Republikës së Kosovës në Leposaviq. Për provokime si këto, të organizuara nga Serbia me qëllim të destabilizimit të situatës në veri, duhet të përgjigjet edhe faktori ndërkombëtar”, ka shkruar ajo në “Twitter”.

Haxhiu ka thënë se “zyrtarët policorë duhet të lirohen sa më shpejt të jetë e mundur dhe veprime të tilla agresive duhet të ndalojnë”.

Criminal Serbia has kidnapped three Police members of the Republic of Kosovo in Leposaviç.

For provocations like these, organized by Serbia with the aim of destabilizing the situation in the north, the international factor must also respond.

— Albulena Haxhiu (@albulenahaxhiu_) June 14, 2023