Skuadra e Ballkanit nga Suhareka e ka shkruar historinë duke fituar për herë të parë titullin e kampionit në elitën e futbollit të Kosovës.

Klubi i drejtuar nga trajneri Ilir Daja e mbylli sezonin me 76 pikë nga 36 ndeshje të zhvilluara, duke i lënë prapa dy ekipet gjilanase, Dritën dhe Gjilanin.

Komuna e Suharekës ka marrë vendim që klubit t’ia ndajë një shpërblim prej 80 mijë euro. Ballkani njëherësh do të shpërblehet edhe nga UEFA që u shpall kampion dhe për pjesëmarrjen historike në Ligën e Kampionëve.

Kjo Komunë do ta shpërblejë edhe klubin e basketbollit Golden Eagle Ylli nëse shpallet kampion i Kosovës. Therandasit janë treguar mjaft të fortë këtë vit në dy sportet kryesore në vend, në futboll dhe në basketboll.