Kosova përballet me Rumaninë

05 gusht 2019 | 11:46

Kampionati Evropian i Divizionit B për femra U20, vazhdon me ndeshje shumë interesante.

Kosova do të përballet me Rumaninë në takimin e fundit të grupit. Si vashat e Kosovës edhe ato të Rumanisë kanë pësuar nga Turqia, që është lidere e grupit.

Sidoqoftë, ky Evropian është i rëndësishëm për vashat kosovare që të fitojnë përvojë në garat ndërkombëtare, pasi paraqiten për herë të parë në ngjarje të tilla madhore, kurse edhe janë më të reja se kundërshtaret e tyre. Mosha mesatare në ekipin e Kosovës është 17-vjeç.

Kosova-Rumania zhvillohet nga ora 19:00 në Pallatin e Rinisë dhe Sportit në Prishtinë. Biletat gjinden te New Borni dhe Palestra “1 Tetori”. Çmimi i biletës do të jetë 1.00 euro (një euro), dhe kjo biletë do të jetë ditore, pra me një euro mund ti shikoni të gjitha ndeshjet që zhvillohen gjatë ditës. Të gjitha të hollat që do të grumbullohen nga shitja e biletave do të jepen donacion për fëmijët e prekur nga sëmundja e fibrozës cistike.

Fjalët Kyçe:

Lajme të sponsorizuara

Të fundit
Sot, në të vërtetë, ne nuk mund të qëndrojmë as…