Ish-zëvendësministri i Bujqësisë, Mevludin Krasniqi, ka reaguar lidhur me heshtjen e kryeministrit të Kosovës, Albin Kurti, lidhur me marrëveshjet e nënshkruara në Berlin.

Krasniqi i cili është zyrtar i Nismës Socialdemokrate, ka thënë se qytetarët e Kosovës duhet ta dijnë, se a duhet të “festojnë”, apo të “protesojnë”, për nënshkrimin e këtyre marrëveshjeve.

“Kërkoj falje nëse jam gabim! Por, askund nuk e dëgjova e as se lexova qëndrimin për këtë marrëveshje, as nga Qeveria e as nga Kryeministri i vendit tim. Duhet ta dijmë, qytetarët a duhet të “festojnë” a të “protestojnë”, ka shkruar Krasniqi në llogarinë e vet në “Facebook”.