Ministri i Administrimit të Pushtetit Lokal, Elbert Krasniqi, ka treguar se sot nuk pritet ndonjë vendim për masat anti-Covid-19 në Kosovë.

Ai ka bërë me dije se sot vetëm do të dëgjohen rekomandimet e profesionistëve shëndetësorë.

Sipas tij, nëse do ketë propozime konkrete, atëherë ato do të dërgohen për miratim në kabinetit qeveritar. “Sot mblidhemi në Komitetin shtetërorë dhe dëgjohen rekomandimet, raporti dhe propozimet e profesionistëve të fushës, ku ne si qeveritar jemi dhe duhet të jemi shumë të kujdesshëm. Pastaj propozimet eventuale, i kalohen kabinetit qeveritar për miratim. Pra, në këtë takim nuk ka as ndryshim, as lehtësim masash e as shtrëngim. Më tej, çfarëdo që ka i kalohet kabinetit qeverisës, meqë qeveria vendos,” ka thënë  Krasniqi për “RADIO 1”.