KRU ‘Prishtina’ zbulon një plantacion të madh në Bardhosh që ujitej me ujë të pijshëm
13 gusht 2023
| 13:27
Kompania Rajonale e Ujësjellësit (KRU) “Prishtina” ka njoftuar se inspektorët e kësaj kompanie kanë zbuluar një plantacion të madh në Bardhosh, i cili ujitet më ujë të pijshëm.
“Kjo është e papranueshme, më shumë se e neveritshme, për jo njerëzore, mos të flasim fare. Në Bardhosh, plantacion i madh, u zbulua tash nga inspektorët tanë duke e ujitur tërësisht me ujë të pijshëm, nga fillimi e deri në fund”, është thënë në reagimin e KRU “Prishtina”.
KRU “Prishtina” ka zhvilluar aksione të shpeshta kohëve të fundit për luftimin e kyçjeve ilegale dhe keqpërdorimit të ujit të pijshëm.