Prishtina e ka mbyllur sezonin me trofe, pasi sonte ia doli të fitojë trofeun e Kupës së Kosovës.

Skuadra e drejtuar nga Debatik Curri mposhti Gjilanin në finale të kësaj gare.

Ndeshja e zhvilluar në stadiumin “Fadil Vokrri” përfundoi me rezultatin e pastër 0:2.

Prishtinasit ia dolën të triumfojnë me golat e shënuar nga Genc Hamiti (67’) dhe Mërgim Pefqeli (78’).

Medaljet për të dy skuadrat u ndanë nga Kryeministri i Kosovës, Albin Kurti, Kryetari i Federatës së Futbollit të Kosovës, Agim Ademi dhe zëvendës-ministrja e MKRS-së, Daulina Osmani.

Kurti ia dorëzoi trofeun kapitenit, Gledi Mici.

Ndryshe, për Prishtinën është hera e tetë në histori të klubit që e fiton Kupën e Kosovës.