Kryetari i komunës së Gjilanit, Alban Hyseni, ka bërë me dije se edhe këtë vit vazhdon kampanja e pastrimit “Green and Clean”.

Hyseni tha se qëllimi i kësaj kampanje është që komuna e Gjilanit të shndërrohet në një prej komunave më të pastra dhe më ekologjike në Kosovë.

Kjo kampanjë përfshin një varg aktivitetesh që do të mbahen në lokacione të ndryshme dhe do të zgjasë deri më 5 qershor 2023.

Pastrimi i rrugëve, lagjeve dhe fshatrave; Pastrimit i institucioneve komunale, arsimore dhe shëndetësore; Pastrimit i shtretërve të lumenjve; Eliminimi i deponive ilegale; Mbjellja e drunjve dekorativ në disa zona të qytetit; Shtimi i numrit të kontejnerëve të mbeturinave; Pastrimit i Pendës së Livoçit dhe Përlepnicës; Dita botërore e biçiklistëve (lëvizim pa vetura); Hiking.

Kryetari Hyseni u bëri thirrje përfaqësuesve institucionalë e politikë si dhe të gjithë qytetarëve që të bëhen pjesë e kësaj kampanje, në mënyrë që kjo të bëhet më masovike për nga pjesëmarrja dhe më efektive në terren.