Kryetari i Komunës së Skenderajt zotohet për vazhdimin e bashkëpunimit me KFOR-in

02 korrik 16:41

Kryetari i Komunës së Skenderajt, Bekim Jashari, ka pritur të hënën në takim kolonel Daniele Bajata nga KFOR-i Italian dhe kolonel Saudan Dominique nga KFOR-i Zviceran.

Të dy kolonelët e njoftuan kryetarin Jashari se tash do të bëhet ndërrimi i komandës së JRD-N që deri tani ka qenë duke udhëhequr kolonel Daniele Bajata, tash e tutje udhëheqës i kësaj komande do të jetë kolonel Saudan Dominique nga Zvicra.

Kolonel Bajata e ka falënderuar kryetarin Jashari për bashkëpunimin e mirë që kanë pasur gjatë kësaj periudhe, po ashtu kolonel Dominique, u shpreh i lumtur që ka ardhur në një komandë e cila ka pasur bashkëpunim të shkëlqyeshëm me Komunën e Skenderajt, duke shpresuar se ky bashkëpunim do të vazhdojë edhe më tutje.

Gjatë këtij takimi u diskutua edhe për problemet dhe sfidat që përballen qytetarët e Skenderajt.

Po ashtu kryetari Jashari i ka njoftuar përfaqësuesit e KFOR-it edhe për prioritetet zhvillimore të Skenderajt, si dhe zhvillimet e përgjithshme komunale.

/Epoka e re/

Lajme të sponsorizuara

Të fundit
Drejtoria për Mbrojtje dhe Shpëtim, në koordinim me Shtabin Komunal…