Kurti: Po përgatitet vizita ime në ShBA në fillim të vitit të ardhshëm
Kryeministri Albin Kurti, ka thënë se stafi i tij po e përgatit vizitën e tij në Shtetet e Bashkuara të Amerikës.
Ai ka treguar se kjo vizitw do tw zhvillohet në fillim të vitit të ri.
“Shefi i stafit tim Luan Dalipi po e përgatit vizitën time për në SHBA për fillim të vitit të ardhshëm, nuk do të njoftojmë për takime të veçanta pa u bërë programi i plotë”, ka thënë ai.
Kurti ka folur edhe për takimin e mundshëm me presidentin serb, Aleksandar Vuçiq, i cili ka mundësi të mbahet në javën e dytë të dhjetorit.
“Është diskutuar mundësia për një takim të mundshëm në javën e dytë të dhjetorit me presidentin e Serbisë në Bruksel. Nuk kam informata për kushtëzime, vlerësimi i përket ndërmjetësuesit, Josep Borrell dhe emisarit Mirsoslav Lajçak. Ata vendosin nëse do të na dërgojnë ftesat ose jo”, ka thënë ai.