Kurti priti në takim drejtorin e sekretariatit të Komunitetit të Energjisë, Janez Kopac

04 maj 2021 | 16:36

Kryeministri i Republikës së Kosovës, Albin Kurti i shoqëruar nga ministrja e Ekonomisë, Artane Rizvanolli dhe ministri i Mjedisit, Planifikimit Hapësinor dhe Infrastrukturës, Liburn Aliu, gjatë ditës së martë  priti në takim delegacionin nga Sekretariati i Komunitetit të Energjisë, i përbërë nga drejtori, Janez Kopac, zëvendësdrejtori, Dirk Buschle dhe eksperti i energjisë elektrike, Arben Kllokoqi.

Në fillim të takimit, kryeministri Kurti e falënderoi Sekretariatin për mbështetjen e vazhdueshme që i kanë dhënë Kosovës përgjatë viteve në zbatimin e Acquis. Më tej, ai e njoftoi delegacionin e Sekretariatit të Komunitetit të Energjisë për prioritetet e qeverisë në kuadër të sektorit të energjisë dhe Planit Kombëtar për Energji dhe Klimë, si dhe zotimet e qeverisë në raport me mjedisin.

“Qeveria e Republikës së Kosovës është e përkushtuar për siguri energjetike dhe energji të përballueshme për të gjithë qytetarët dhe ekonominë e vendit, synon diversifikimin e energjisë dhe është e interesuar për investime në efiçiencë të energjisë, tha kryeministri”, është thënë në komuniukatën e Qeverisë së Kosovës.

Sipas këtij komunikate, përfaqësuesit e Sekretariatit të Komunitetit të Energjisë u zotuan që do të vazhdojnë të përkrahin sektorin e energjisë dhe mbrojtjen e mjedisit në Kosovë.

 

Lajme të sponsorizuara

Të fundit
I ftuar te “La Tribune”, program belg i RTFB, Romelu…