Ish-komandanti në Koshare, Hisen Berisha, pritet ta zë karrigen e Uran Ismailit në Kuvendin e Republikës së Kosovës.

Hisen Berisha, në zgjedhjet e fundit të 14 shkurtit, ka arritur t’i merr 9 mijë e 168 vota gjithsej, duke e bërë kështu të parin kandidat në pritje për t’u bërë deputet nga gjinia mashkullore.

Berisha kishte garuar edhe në zgjedhjet e vitit 2021, por që nuk kishte arritur të sigurojë ulëse në Kuvendin e Kosovës, raporton Gazeta Express

Kandidimi i Uran Ismaili për kryetar të Prishtinës e kishte shtyrë atë ta dorëzoj mandatin e deputetit.

Ismaili përmes një postimi në Facebook ka treguar që tani do t’i përkushtohet vetëm kryeqytetit në fushatën e tij që pritet të fillojë nesër.

Ndërsa në zgjedhjet e 14 shkurtit Uran Ismaili ishte personi i dytë më i votuar. 26 mijë e 716 qytetarë ia besuan votën Ismailit.

Ai, i cili, përveçse deputet, në Qeverinë Haradinaj – 2017-2019, kishte qenë ministër i Shëndetësisë.

Kurse kundërkandidati tij në zgjedhjet lokale, prej pozitës është, Arben Vita nga LV-ja. Ndërsa nga opozita, Përparim Rama-LDK, Daut Haradinaj nga AAK-ja dhe Gëzim Mehmeti nga AKR.