Skuadra italiane ka arritur fitoren e parë në Evropa Ligë.

Lazio ka mposhtur Lokomotivën e Moskës me rezultat solid 2-0.

Toma Basiq ishte ai që hapi serinë e golave në min e 13’ pas një asistimi të Pedro Rodriguezit.

Ekipi italian vazhdoi me sulme dhe dyfishoi epërsinë në min e 38’ me golin e Patric Gabarrano pas asistimit të Luis Albertos.

Në pjesën e dytë Lazio pati edhe disa mundësi të tjera që të thellojë edhe më shumë epërsinë, megjithatë nuk arritën të konkretizojnë.

Sulmuesi kosovar Vedat Muriqi hyri në lojë në min e 42’, por nuk arriti të lë gjurmë në këtë ndeshje.

Me këtë fitore Lazioi ka tre pikë të grumbulluara në grupin E dhe ndodhet në pozitën e dytë, kurse Lokomotiva e Moskës ka vetëm një pikë në vendin e katërt.