Lazio e mposhti Marseillen

25 tetor 2018 | 23:22

Lazio arriti të marrë një fitore mjaft të rëndësishme në “Velodrome”, të Marseille, ku mposhti vendasit me rezultatin 1-3, falë golave të Wallace, Caicedo e Marusiç, kundrejt atij të Payet për francezët, dhe hodhi një hap shumë të rëndësishëm drejt kualifikimit.

Në të njëjtin grup, Eintrachti i Frankfurtit mposhti 2-0 qipriotët e Apollonit, duke shkuar në krye të renditjes me 9 pikë, e ndjekur nga Lazio me 6 dhe Marseille me një pikë, me francezët që janë tashmë në prag të eliminimit.

Loftus-Cheek “shpërtheu” në “Stamford Bridge” dhe shënoi 3 herë duke i dhënë Chelseat fitoren 3-1 ndaj Bate Borisovit dhe duke merituar të marrë topin e sfidës në shtëpi, ndërsa në të njëjtin grup, hungarezët e Mol Vidit befasuan Paokun, duke e mposhtur me rezultatin 0-2 në Selanik.

Sevilla ka mposhtur me rezultatin e thellë 6-0 turqit e Akhisarit, në sfidën e vlefshme për fazën e grupeve të Europa Leagues, ndërsa po me “shi” golash triumfoi edhe skuadra tjetër spanjolle, Villareali, që fitoi 5-0 sfidën ndaj austriakëve të Rapidit të Vjenës.

Në sfidat e tjera, Rangers nuk shkoi më shumë se një barazim pa gola ndaj rusëve të Spartakut të Moskës, ndërsa sulmuesi shqiptar Eros Grezda luajti rreth 25 minuta. Befasinë e mbrëmjes e bënë belgët e Genkut, që fituan në Turqi ndaj Besiktasit me rezultatin 2-4.

Lajme të sponsorizuara

Të fundit
Ambasadori i Kosovës në Maqedoni, Gjergj Dedaj, ka bërë me…