Deputetja e Lidhjes Demokratike të Kosovës (LDK), Vjosa Osmani, në seancën e sotme të Kuvendit duke folur për dështimet e diplomacisë së Kosovës ka propozuar një rezolutë me një pikë të vetme e cila kërkon dorëheqjen e Qeverisë Haradinaj.

“Propozojmë që në fund të debatit të miratohet kjo rezolutë me një pikë të vetme, Kuvendi pas debatit parlamentar të LDK-së dhe LV-së miraton këtë rezolute, pika 1 me qëllim të ndalimit çdo përpjekjeje që konteston shtetësinë, subjektivitetin ndërkombëtarë dhe integritetin territorial si dhe Qeveria e Kosovës të tërhiqet për t’i hapur rrugë institucioneve të reja”, ka thënë deputetja Osmani.