Ministri i Infrastrukturës, Pal Lekaj, ka realizuar një vizitë inspektuese në segmentin e fundit të autostradës ‘Arbën Xhaferi’, me ç’rast ka inspektuar punimet që janë duke u realizuar në urën më të gjatë në rajon.

Lekaj ka thënë se është i kënaqur me punët që janë bërë dhe po bëhen.

Ministri ka pohuar se përmbyllja e infrastrukturës rrugore ka ndikim në zhvillimin ekonomik dhe rritjen e potencialit turistik në vend, si dhe sipas tij krijon lidhje të korridoreve që e rrethojnë Kosovën.

Lekaj ka thënë se janë të përkushtuar që ta ndryshojnë politikën e deritashme kur projektet janë stërzgjatur, duke ripohuar edhe një herë se kjo autostradë do të përfundojë më 31 dhjetor të këtij viti.

/Epoka e re/