Loriana e fiton medaljen e bronztë në Doha

13 janar 2021 | 16:20

Xhudistja Loriana Kuka ia ka siguruar Kosovës medaljen e katërt në Mastersin e xhudos në Doha të Katarit.

Kuka e rrëmbejë medaljen e bronztë, pasi në luftë kryesore e mposhti me Ippon në kategorinë deri 78 kilogramë britaniken Natalie Powell.

Loriana në luftën e parë e mposhti me ippon Sarah-Myriam Mazouzin e Gabonit. Ndërsa në raundin e dytë, Kuka e mposhti francezen Audrey Tcheumeo, por në çerekfinale është mposhtur nga japonezja Shori Hamada. Më pas xhudistja pejane e mposhti kubanezen Kaliema Antomarchi dhe në fund britaniken Natalie Powell.

Medaljen e artë në Doha e fitoi Distria Krasniqi, kurse të bronztat i fituan Majlinda Kelmendi dhe Nora Gjakova.

(Epoka e re)

Lajme të sponsorizuara

Të fundit
Kryetari në detyrë i Partisë Demokratike të Kosovës (PDK) dhe…