Aktorja e “Game Of Thrones” Lena Headey është martuar me partnerin Marc Menchaca në një ceremoni private ku morën pjesë të afërmit, miqtë dhe familjarët. Aktorja britanike, e njohur më së shumti për rolin në “Game Of Thrones”, shkëmbeu betimet me Menchaca në Pulia, Itali më 6 tetor.

Në ceremoni morën pjesë disa nga koleget e saj në Game of Thrones, përfshirë Peter Dinklage, Nikolaj Coster-Waldau, Emila Clarke, Sophie Turner me bashkëshortin Joe Jonas dhe Conleth Hill. Aktorja kishte zgjedhur një fustan të bardhë të thjeshtë ndërsa dhëndri mbante veshur një kostum blu.

Kujtojmë që aktorja ka qenë e martuar me Peter Paul Loughran, me të cilin u nda pas gjashtë vitesh. Ish-çifti kanë një djalë 11 vjeç. Në 2015, ajo mirëpriti vajzën Teddy me të dashurin regjisor Dan Cadan, një shok fëmijërie, por çifti u nda në 2018 – dy vjet para se ajo të fillonte lidhjen e saj me Menchaca.