MAShT-i ofron përkrahje për arsimin në Luginë të Preshevës

03 qershor 14:22

Ministri i Arsimit, Shyqiri Butyqi, ka pritur sot në takim kryetarin e Këshillit Kombëtar Shqiptar, Ragmi Mustafa, me bashkëpunëtorë, me të cilët ka biseduar rreth gjendjes së arsimit në gjuhën shqipe në Preshevë, Medvegjë dhe Bujanoc.

“Biseduam rreth mungesës së teksteve shkollore për nxënësit shqiptarë në këtë trevë dhe iniciativave të vazhdueshme për të siguruar këto tekste. Shpreha gatishmërinë e MAShT që të ndihmojë jo vetëm në këtë proces, por edhe në bashkëpunime të reja, me qëllim që të ofrohet arsim më cilësor për nxënësit shqiptarë në Preshevë, Medvegjë dhe Bujanoc”, ka thënë Bytyqi pas takimit.

Bytyqi është zotuar se do të ruhen kuotat në universitetet publike të Kosovës për studentët nga këto komuna.

Ai ka theksuar se kjo kuotë edhe mund të rritet nëse ka interesim më të madh të të rinjve që të studiojnë në Kosovë.

“Biseduam edhe për mundësinë e ofrimit të trajnimeve në Kosovë për mësimdhënësit shqiptarë të Luginës së Preshevës”, ka thënë Bytyqi.

Lajme të sponsorizuara

Të fundit
Përfaqësuesit e institucioneve dhe delegacioni i shtetëror për dialog me…