Mbrojtësi bëhet portier dhe hero (video)

25 janar 2022 | 13:00

Chaker Alhadhur u bë hero kombëtar i Komorosit pasi bëri pritje spektakolare në Kupën e Afrikës, edhe pse ekipi i tij humbi nga Kameruni dhe u eliminua nga kjo garë

Chaker Alhadhur është bërë hero kombëtar i Komorosit të hënën, përkundër eliminimit nga Kupa e Afrikës.

Mbrojtësi i majtë u shndërrua në portier pas lëndimit dhe daljes pozitiv me COVID të dy portierëve të kësaj Kombëtareje. Komorosi mbeti me 10 lojtarë që nga minuta e shtetë kur kapiteni dhe qendërmbrojtësi Nadjim Abdou u ndëshkua me karton të kuq.

Sidoqoftë, kjo Kombëtare u mbajt mjaft mirë dhe për këtë meritat më të mëdha i ka Alhadhur. Ai i bëri katër pritje bravoroze, duke e lënë ekipin e tij në lojë deri në fund të takimit. Ai njëherësh u bë lojtari i parë në këtë turne që e nis lojën si portier.

Portieri i parë i Komorosit, Salim Ben Boina ndiente dhimbje dhe dy portierët tjerë rezultuan pozitiv me Covid. Për këtë, Alhadhur bëri sakrifica dhe u fut në portë dhe e kreu për mrekulli detyrën e tij të re.

Gjithashtu, Komorosi luajti pa trajnerin kryesor, i cili po ashtu doli pozitiv me koronavirus. Ngjarjet e pazakonta nga Kupa e Kombeve të Afrikës nuk kanë të ndalur.

 

Lajme të sponsorizuara

Të fundit
Kryeministri Albin Kurti ka thënë se së shpejti Qeveria e…