Leo Messi realizoi në barazimin e kundër Valencias (2-2). Argjentinasi gjeti golin e tij të 643 me Barçen duke barazuar rekordin e Peles.

33-vjeçari ka po aq gola sa Pele të shënuar me një klub dhe me siguri do e tejkalojë legjendën e Brazilit. Pele në krahun tjetër ka lënë një urim për Messin.

“Kur zemra vërshon nga dashuria, është e vështirë ta ndryshosh rrugën tënde. Ashtu si ti, unë e di se si është të duash të veshësh të njëjtën fanellë çdo ditë. Ashtu si ti, unë e di se nuk ka asgjë më të mirë se vendi ku ne ndihemi si në shtëpi”, ka shkruar Pele.