Meta: Minoriteti maqedonas, pasuri për Shqipërinë

05 janar 21:48

Presidenti i Shqipërisë, Ilir Meta zhvilloi sot një vizitë në Bashkinë e Pustecit në Pogradec, e cila banohet nga maqedonas.

Ai zhvilloi takime me drejtues të pushtetit vendor në këtë Bashki dhe me qytetarë, ku diskutoi për problemet dhe investimet në këtë zonë.

Meta u prit nga nënkryetari i Bashkisë së Pustecit, Andon Jani, përfaqësues të tjerë të pushtetit vendor si dhe nga dhjetëra banorë të minoritetit maqedonas, të cilët i uruan mirëseardhjen dhe e falënderuan për mbështetjen e përkrahjen e tij të vazhdueshme.

Në bashkëbisedim me ta Meta deklaroi se vëmendja ndaj minoritetit maqedonas do të jetë çdo ditë gjatë mandatit të tij.

“Ne krenohemi me vlerat e minoritetit maqedonas, i cili është një pasuri për Shqipërinë. Ju garantoj se do bëj çmos dhe do mbështes të gjitha përpjekjet tuaja për ruajtjen e identitetit, traditave dhe vlerave tuaja të shkëlqyera. Duhet të bashkëpunojmë të gjithë që Bashkia e Pustecit të jetë ndër më të begatat”, theksoi Presidenti Meta.

Presidenti theksoi gjithashtu se “në kuadrin e Vitit të rëndësishëm mbarëkombëtar të Gjergj Kastriot Skënderbeut ramë dakord, bashkë me përfaqësuesit e Bashkisë së Pustecit të vlerësojmë disa nga ngjarjet dhe personalitett më të rëndësishme historike të kësaj zone, sikundër është edhe shkrimtari i njohur, Sterjo Spasse, biri i komunitetit maqedonas”.

Lajme të sponsorizuara

Të fundit
Kapiteni i KF Vëllaznimi, Albutrint Morina i është bashkuar të…