Ministri Gashi: Kualifikimi në Botëror, sukses i jashtëzakonshëm dhe historik

02 maj 2019 | 16:19

Ministri i Kulturës, Rinisë dhe Sportit, Kujtim Gashi, ka pritur sot në takim drejtuesit e Federatës së Hendbollit të Kosovës, të udhëhequr nga kryetari Eugen Saraçini si dhe hendbollistët e Përfaqësues së Kosovës në kategorinë U21 në konkurrencën e meshkujve pas fitimit të së drejtës për të marrë pjesë në Kampionatin Botëror që do të mbahet në Spanjë nga 15-29 korrik 2019.

Ministri Gashi: Kualifikimi i hendbollistëve për Kampionatin Botëror, sukses i jashtëzakonshëm dhe historik

Ministri i uroi hendbollistët për këtë sukses dhe iu dëshiroi suksese në këtë kampionat. “Kualifikimi juaj për Kampionatin Botëror në Spanjë është sukses i jashtëzakonshëm dhe historik. Dua të ju rikujtoj se keni përkrahjen time si ministër por edhe të Ministrisë që unë drejtoj pavarësisht rezultateve që do të sillni nga ky kampionat. Vet pjesëmarrja juaj në Kampionatin Botëror në Spanjë është një sukses i madh sepse bën të mundur që Kosova të jetë në mesin e 24 shteteve më të mira botërore”, ka thënë ministri Gashi.

Ai po ashtu vlerësoi lart sukseset e Federatës së Hendbollit të Kosovës dhe punën e hendbollistëve të talentuar që kanë bërë që Kosova të jetë e kualifikuar në Botëror.

“Është e kuptueshme se për të ardhur deri te ky kualifikim është bërë një punë e palodhshme dhe e suksesshme nga ana juaj duke arritur fitore të shumta. Këtu dua të theksoj punën e shkëlqyer të Federatës së Hendbollit të Kosovës në organizimin e IHF Trophy Intercontinental që u mbajt gjatë muajit prill në Prishtinë sepse dihet se edhe nga Federata Ndërkombëtare por edhe nga federatat tjera pjesëmarrëse në gara, kjo ngjarje e madhe sportive u quajt Kampionat i jashtëzakonshëm”, u shpreh ministri Gashi.

Ministri Gashi: Kualifikimi i hendbollistëve për Kampionatin Botëror, sukses i jashtëzakonshëm dhe historik

Ndërkaq, kryetari i FHK-së, Saraçini, u shpreh i entuziazmuar me arritjen e këtij suksesi dhe pjesëmarrjen e hendbollistëve të Kosovës në këtë ngjarje. Drejtuesit e federatës dhe hendbollistët e falënderuan ministrin për pritjen dhe për gatishmërinë për të qenë në përkrahje të hendbollistëve dhe thanë se shpresojnë se nga Kampionati Botëror të kthehen me fitore. Po ashtu ata theksuan edhe nevojën për krijimin e kushteve për përgatitje për hendbollistët e talentuar të cilët e shkruan historinë e re në sportin e Kosovës.

Fjalët Kyçe:

Lajme të sponsorizuara

Të fundit
Në 20- vjetorin e masakrës së Studimes në Vushtrri një…