Ministri Gashi ndau mirënjohje për ish-mundësin Sadik Ferati

19 shtator 2019 | 15:44

Ministri i Kulturës, Rinisë dhe Sportit, Kujtim Gashi ka pritur në takim ish-mundësin Sadik Ferati, fitues i dy medaljeve botërore. Ferati e zuri vendin e parë në stilin e lirë më 1991 në Kampionatin Botëror mbajtur në Kanada dhe vendin e tretë në stilin greko-romak.

Ministri Gashi, ka thënë se ndihet i nderuar që ndan mirënjohje për mundësin Ferati dhe në të njëjtën kohë ai premtoi se me ndryshimet e reja të rregulloreve për sport do të ofrojnë mundësinë që të gjithë sportistët, sikurse mundësi Sadik Ferati, të cilët sjellin medalje, të përfitojnë shpërblim nga ana e shtetit.

“Në kohën kur Ferati ka filluar të ushtojë profesionin e mundësit nuk ka qenë e lehtë, sepse në atë kohë vendi ynë ka pasur sfida të mëdha politike dhe vendi ynë ka qenë i izoluar. Andaj, ne si MKRS, zotohemi që do të mbështesim sportistët dhe arritjet e tyre, sepse ata po mundësojnë që vendi ynë të njihet anë e kënd botës”, ka thënë ministri Gashi.

Ndërkaq, ish-mundësi Sadik Ferati falënderoi ministrin Gashi për pritjen dhe mbështetjen e vazhdueshme ndaj sportistëve. “Pas 20 vjetësh për herë të parë po hy në Ministrinë e Kulturës, Rinisë dhe Sportit dhe jam shumë mirënjohës që ministri Gashi më ofroi këtë mundësi. Viteve të fundit i përcjelli me vëmendje rezultatet e sportistëve dhe pa mbështetjen e ministrit Gashi nuk do të kishim këto arritje që i kemi sot”, ka deklaruar Ferati.

/Epoka e re/ 

Fjalët Kyçe:

Lajme të sponsorizuara

Të fundit
Kandidati i Partisë Demokratike të Kosovës (PDK) për deputet, Rafet…