Ministria e Bujqësisë kërkon nga fermerët që mos t’i djegin hamulloret

27 korrik 12:12

Ministria e Bujqësisë, Pylltarisë dhe Zhvillimit Rural ka kërkuar nga fermerët që mos t’i djegin hamulloret pas përfundimit të korrje-shirjeve të grurit. Sipas një njoftimi të kësaj ministrie, me djegien e hamulloreve pos që shkaktohet ndotje të ambientit, do të shkaktohen edhe dëme të tjera të shumta, duke shkatërruar mikroflorën dhe mikrofaunën e tokës.

Ministria e Bujqësisë ka dhënë disa udhëzime se si të veprohet pas korrjes së grurit.

“Disa prej udhëzimeve janë që: pas korrjes së grurit në parcelat ku s’ka ujitje, bëni përkufizimin e parcelës duke bërë lëvrimin 2-4 rende në mënyrë që nëse paraqitet zjarri mos të depërtoj edhe në parcelat tjera. Në parcelat ku nuk ka ujitje pas korrjes së grurit, bëni lëvrimin e cekët dhe në këtë mënyrë kashta e mbetur do të futet në tokë që të kompozohet, duke ndikuar kështu në përmirësimin e strukturës dhe plleshmërinë e tokës. Djegia e kashtës do të jetë potencial i zjarreve që do të rrezikoj pasurinë e tjerëve, objektet e banimit, objektet ekonomike, si dhe djegien e pyjeve. Në parcelat ku ka ujitje, menjëherë filloni të bëni lëvrimin dhe mbjelljen e kulturës tjetër në të njëjtën parcelë dhe nëse përcaktoheni të mbillni misrin foragjer me vegjetacion të shkurtër (nën 100 ditë), përdoreni dyfishin e farës për mbjellje për ha”, theksohet në komunikatën e kësaj ministrie.

Ministria e Bujqësisë ka njoftuar se pas korrjes së grurit, në të njëjtën sipërfaqe mund të mbillen kultura të tjera si misri foragjer me vegjetacion të hershëm (që si i gjelbër shfrytëzohet si ushqim për kafshët, por edhe për silazh).

“Pastaj perimet si: lakra, etj. dhe në të njëjtën kohë do të rrisni të hyrat në fermën tuaj. “Rëndësia e mbjelljes së kulturës së dytë do të shërbej si një qarkullim bimor duke ndikuar në rendimente më të larta tek kulturat që do t’i kultivoni në atë parcelë”, është thënë në komunikatën e Ministrisë së Bujqësisë.

 

Lajme të sponsorizuara

Të fundit
Klubi spanjoll dëshiron blerjen e Alexandre Lacazette. Sipas ‘Calcio Mercato’,…