Ministria e Shëndetësisë: Vaksinohuni, rastet me Covid po rriten
Ministria e Shëndetësisë ka bërë sërish thirrje për vaksinim kundër Covid-19, pasi ditëve të fundit janë rritur rastet e infektimit me këtë virus.
“Vendet e rajonit, por dhe vendi ynë po shënojnë ditëve të fundit rritje të rasteve të Covid-19. Mënyra më e lehtë dhe më praktike për të ulur rrezikun dhe për t’u mbrojtur nga Covid-19 mbetet vaksinimi, krahas respektimit të masave të tjera parandaluese”, ka theksuar MSH-ja.
Sipas kësaj ministrie, përmes sigurimit të dozave të mjaftueshme të vaksinës kundër Covid-19 dhe qasjes së lehtë, vaksinimi sot është një proces i lehtë dhe i mundur në njësitë e vaksinimit në çdo komunë të Kosovës.
“Mbroje shëndetin tuaj – vaksinohu!”, thuhet në mesazhin e Ministrisë së Shëndetësisë.
Në 24 orët e fundit janë konfirmuar 177 raste me Covid në Kosovë. Ndërkaq raste aktive janë 486.
Brenda 24 orëve janë vaksinuar 70 persona.