Ministrja e Financave, Hykmete Bajrami, e ka mposhtur Covid-19. Por ajo rrëfen për një betejë të gjatë dhe të vështirë.

Bajrami tregon se i ishte dashur hospitalizimi në Klinikën Infektive në QKUK për të mposhtur sëmundjen.

“Gjendjen tani e kam mirë, por nuk e kam pasur fare mirë. Kam pasur disa probleme shëndetësore. Kam qëndruar e shtrirë pesë ditë në Infektivë në spitalin në Prishtinë në QKUK”, tha Bajrami për RTV Dukagjini.

“Me përkujdesjen maksimale të stafit të cilët në fakt nuk u kujdesën vetëm për mua por për secilin pacientë, e tejkalova”, shtoi ajo.