Ministrja Hoxha tregon se cilat shtete janë duke e bllokuar liberalizimin e vizave

26 qershor 11:22

Ministrja e Integrimit Evropian (MIE), Dhurata Hoxha, është shprehur e zhgënjyer me Bashkimin Evropian (BE).

Ajo duke komentuar konkluzat e Këshillit të Ministrave të BE-së, ka thënë se kanë pritur datë konkrete lidhur me procesin e liberalizimit të vizave.

Hoxha e ka pranuar se tashmë disa shtete të BE-së, kanë dalë haptazi kundër liberalizimit të vizave.

Madje ajo ka përmendur edhe Gjermaninë, e cila sipas saj nuk po ndërmerr asgjë për t’i bindur vendet tjera që të votojnë për heqjen e vizave për Kosovën.

“Tani po shohim një hezitim nga disa shtete anëtare siç është Franca e Holanda. Deri diku edhe Gjermania nuk ka një mendim të qartë, përkundër faktit që ministri i Brendshëm i ka thënë ‘po’ liberalizimit të vizave për Kosovën, mirëpo në anën tjetër në takimin e Këshillit të Ministrave të Punëve të Brendshme, i cili u mbajt më 6 dhe 7 qershor, pra i parapriu takimit të Këshillit të Ministrave të Punëve të Jashtme dhe asgjë nuk u diskutua për Kosovën”.

“Pra as Gjermania dhe asnjëra nga këto shtete nuk e hapi temën e liberalizimit të vizave. Kjo na bënë të kuptojmë se pa u arritur një konsensus në mes të anëtarëve të BE-së nuk e shoh që do të kemi një vendim në Këshillin e Ministrave. Shpresoj që kjo të bëhet sa më shpejt, në mënyrë që qytetarët tanë të lëvizin sa më shpejt, mirëpo e gjitha tani është në duar të shteteve anëtare, gjegjësisht dy tri shteteve që duhet ta lëvizin këtë proces përpara”, ka thënë ajo në një intervistë për “Ekonomia Online”.

Lajme të sponsorizuara

Të fundit
Qëndrim Dautaj është futbollisti më i ri i Gjilanit. Dautaj…