Kryesisht vranësira gjatë javës vijuese. Herë herë me mundësi për reshje të dobëta shiu.  Temperaturat ndjeshëm mbi vlera mesatare, parashikon “Prishtina Weather”.

4.12.2022 – Vranësirat do të dominojnë qiellin mbi vend gjatë javës së ardhshme.  Orëve të pasdites edhe mund të ketë intervale me diell, por kryesisht të shkurta.  Kohë pas kohe po priten mundësi edhe për reshje të dobëta shiu, kryesisht të lokalizuara,  jo të shtrira mbi gjithë vendin.

Indeksi i cilësisë së ajrit ka gjasa të kaloj në vlera të dobëta kryesisht mbrëmjeve ditëve të para të javës, në periudha më të zgjatura qetësie.  Gjatë ditës në shumicën e stacioneve edhe mund të zbres në vlera të pranueshme, por edhe të mira.

Datat:

5.12 – Kryesisht me vranësira dhe thatë.  Pasdite intervale me diell.

6.12 – Kryesisht me vranësira.  Pasdite vonë ndonjë rigë lokale shiu.

7.12 – Kryesisht me vranësira.  Orëve të mëngjesit mundësi për riga lokale shiu.

8.12 – Herët në mëngjes reshje lokale shiu.  Ditën kryesisht me vranësira.

9.12 – Kryesisht me vranësira, me mundësi për reshje të dobëta shiu orëve të mëngjesit.

Temperaturat do të luhaten në vlera ndjeshëm mbi mesataret për këtë periudhë kohore.  Minimalet ndërmjet 3C e 6C, e maksimalet kapin vlera prej 10C deri 12C.

Era frynë e lehtë dhe mesatare kryesisht nga jugu e juglindja 3-7m/s.

Shtypja atmosferike e lartë mbi vlera normale, me tendencë të rënies nga mesi i javës.