Mulaomeroviqi publikon listën anti-Rumani  

11 shkurt 2019 | 18:32

Përzgjedhësi i Kosovës, Damir Mulaomeroviq e ka publikuar listën e gjerë të Përfaqësueses A, e cila më 24 shkurt do të përballet me Rumaninë në kuadër të Grupit B të parakualifikimeve për “Eurobasket 2021”.

Përfaqësuesja do të grumbullohet më 18 shkurt në Prishtinë për ndeshjen kundër Rumanisë, që i takon parakualifikimeve për “Eurobasket 2021”. Dueli, Kosovë – Rumani do të zhvillohet më 24 shkurt 2019 me fillim nga ora 20:30 në Pallatin e Rinisë dhe Sporteve në Prishtinë. Kosova bën gara në Grupin B dhe në tri duelet e para ka pësuar disfata, dy herë nga Maqedonia dhe një herë nga Rumania, ndërsa e ka edhe një shans në muajin gusht për ta siguruar një vend për në kualifikime për “Eurobasket 2021”.

Pra, Maqedonia i prin grupit me 6 pikë, ku nga tri ndeshje ka po aq fitore, kurse Rumania dhe Kosova i kanë nga tri pikë secila, përderisa rumunët i kanë luajtur dy ndeshje deri më tani, dhe dy të tjerat do ti luajnë në muajin shkurt, së pari kundër Maqedonisë dhe më pas kundër Kosovës. Fituesi i grupit do ta siguroj një vend direkt për në kualifikime për “Eurobasket 2021”.

Raundi shtesë i parakualifikimeve për “Eurobasket 2021” do të zhvillohet prej 3 deri më 21 gusht, ndërsa emrat e kundërshtarëve Kosova do t’i mësojë në shkurt pas ndeshjes kundër Rumanisë.

Lista e gjerë e Përfaqësueses së Kosovës:

  1. Dardan Berisha
  2. Lis Shoshi
  3. Leonard Mekaj
  4. Valon Bunjaku
  5. Malcolm Armstead
  6. Mikaile Tmusic
  7. Meriton Ismaili
  8. Arian Qallaku
  9. Erjon Kastrati
  10. Edmond Azemi
  11. Samir Zekiqi
  12. Rron Grapci
  13. Drilon Hajrizi
  14. Besnik Azemi
  15. Fisnik Rugova

Fjalët Kyçe:

Lajme të sponsorizuara

Të fundit
Ish-gjenerali i Ushtrisë Çlirimtare të Kosovës nga Dukagjini, Lahi Brahimaj…