Kryetarja e Komisionit për Mbikëqyrjen e Agjencisë së Kosovës për Inteligjencë, Ganimete Musliu, ka treguar për mbarëvajtjen e mbledhjes së këtij komisioni, ku ka raportuar Inspektori i Përgjithshëm i Agjencisë së Kosovës për Inteligjencë, Burim Ramadani.

Musliu ka thënë se në këtë mbledhjen kanë kërkuar nga ky institucion që të qëndrojnë larg ndikimit të politikave ditore.

“Unë nuk jam që e pengoj mbarëvajtjen e mbledhjes dhe nuk mund t’i censuroj pyetjen deputetëve. Për raportimin e një raportuesi shtetëror nuk është kohë e gjatë. Ne kemi pasur edhe drejtorin për Inteligjencë. Tani jemi në ciklin e informimit për gjendjen e këtij institucion. Zyrtarët e AKI-së  e marrim me shumë sportivitet para Komisionit”.

“Ne po mundohemi për t’iu treguar që të vëmë kontroll dhe për të evidentuar edhe shkeljet në këtë institucion. Kërkojmë nga drejtuesit e AKK-së të rrinë larg politikave ditore dhe ndikimeve politike sepse është institucioni ma kredibil. Në ditët e ardhshme do të dalim në teren të vizitojmë drejtoritë regjionale. Ardhja e përfaqësuesve edhe duke injoruar punën e komisionit lënë për të menduar edhe gjëra të tilla. Por ua bëjmë me dije se jemi këtu për të vendosur rregull. Unë nuk mund të shpalos detaje por ajo çka ne kërkojmë disiplina në institucion. Gjendja e sigurisë në Kosovë është stabile. Sot ka qenë raport i inspektorit”, ka deklaruar Musliu.