Nënkryetarja e Prishtinës nga PDK: Kam kërkuar informacione shtesë për kontratën 750 mijë euro të Prishtina Parking

18 gusht 2022 | 22:20

Nënkryetarja e Komunës së Prishtinës, Donjeta Sahatçiu nga Partia Demokratike e Kosovës, ka thënë se pas ngritjes së pikëpyetjeve për kontratën 750,000 euro të NPL Prishtina Parking për “Shërbim me softuer për menaxhimin me parkingje publike në Komunën e Prishtinës, ka kërkuar informacione për të parë materialet e këtij procesi e pastaj për të dalë me qëndrime e vendime meritore.

Ajo ka shkruar në faqen e saj në Facebook se asocimi i kësaj kontrate me qeverisjen e PDK është qesharak dhe tendencioz.

Raportimet mediale gjatë ditës e kamë lidhur emrin e PDK pasiqë kreshefi aktual i Prishtina Parking ka qenë shumë vite më parë anëtar i PDK por i njëjti pasi është bërë pjesë e ekipit të Shpend Ahmetit sa ishte në Vetëvendosje është emëruar në pozitën e kryeshefit.

Reagimi i plotë i nënkryetares Donjeta Sahatçiu:

Shumë pikëpytje në kontratën 750,000 euro të NPL Prishtina Parking për “Shërbim me softuer për menaxhimin me parkingje publike në Komunën e Prishtinës.”

Lajmi tendencioz për asocimin e kontratës nën dyshime me qeverisjen e PDK në Prishtinë, të udhëhequr nga unë, është qesharak. Nëse është dikush në Kryeqytet që mund të thirret për ekspertizë në shërbime të tilla me softuer – jam unë. Dhe unë, jam edhe Nënkryetare e Kryeqytetit nga PDK.

Nuk njihem për nguti. Derisa pres të pajisem me të gjitha informatat dhe materialet e këtij procesi nga kërkesa e parashtruar tek Kryeshefi i ndërmarrjes për konstatim përfundimtar, do të mbaj distancë në prononcime shtesë lidhur me këtë çështje.

Në ndërkohë ju siguroj që derisa jam në Kryeqytet, nuk do të ketë tolerancë në keq-qeverisje dhe nuk do të ketë heshtje për procese të dyshimta. Aq më pak në digjitalizim. As tash, as kurrë.

Lajme të sponsorizuara

Të fundit
Trajneri i njohur i futbollit në Kosovë, Bekim Isufi ka…