Nënshkruhet memorandumi për zhvillimin arkivor dhe digjitalizimin e dokumenteve

21 shtator 13:54

Ministri i Kulturës, Rinisë dhe Sportit, Kujtim Gashi, ka pritur të premten në takim kryeshefin e Agjencisë Shtetërore të Arkivave, Ramë Manaj. Në këtë takim, ministri Gashi dhe kryeshefi Manaj kanë nënshkruar memorandum bashkëpunimi për mbështetje financiare për projektin “Mbështetja për zhvillimin e veprimtarisë arkivore dhe ngritja e kuadri profesional arkivor”.

Memorandumi do të zbatohet gjatë vitit 2018, projekt për të cilin MKRS-ja do të investojë me vlerë financiare prej 8 mijë euro.

Qëllim i këtij memorandumi është krijimi i dokumenteve elektronike dhe aplikimi i normave bashkëkohore për zhvillimin e mëtutjeshme të veprimtarisë arkivore.

Po ashtu, ky projekt do të mbështetë ngritjen dhe aftësimin e kuadrit profesional arkivor të angazhuar në Agjencinë Shtetërore të Arkivave por edhe të kuadrit arkivor në arkivat ndër komunale.

Ky aktivitet ka mbështetje të plotë në Ligjin për Arkivin Shtetëror dhe Standardet Ndërkombëtare te Arkivistikës.

Ministri Gashi ka vlerësuar se me nënshkrimin e këtij memorandumi kemi vazhduar më tutje mbështetjen për institucionin më të rëndësishëm të ruajtjes dhe mbrojtjes së dokumenteve shtetërore të cilat i mbesin si histori gjeneratave që vijnë.

Ndërkaq, kryeshefi i Agjencisë Shtetërore të Arkivave, Manaj e ka falënderuar ministrin për përkrahjen që ai po jep për institucionin që ai udhëheq dhe vënien e tij ndër prioritetet e ministrisë.

/Epoka e re/

Lajme të sponsorizuara

Të fundit
Ministri i Jashtëm i Rusisë, Sergei Lavrov, ka thënë se…