Nesër dhe pasnesër luhen gjysmëfinalet e treta në basketboll

13 maj 15:38

Nesër (e shtunë) dhe pasnesër (e diel) do të zhvillohen ndeshjet e treta gjysmëfinale të “Play-off”-it në basketboll.

Ylli dhe Trepça janë duke avancuar 2:0 dhe në rast se shënojnë fitore, atëherë do të kualifikohen në finale.

Nëse Prishtina dhe Peja shënojnë fitore, atëherë seria do të ngushtohet në 2:1, dhe takimet e radhës sërish do të zhvilloheshin në këto dy qytetet e fundit.

Nesër (e shtunë) prishtinasit do të mundohen të shënojnë fitoren e parë përballë therandasve në këtë edicion. Në garat e rregullta katër fitore kanë shënuar kampionët, ashtu si edhe në gjysmëfinale, 73:48 dhe 79:70.

Ndërkohë, liderët e Superligës do të mundohen të fitojnë edhe ndeshjen e tretë dhe të kualifikohen në finale. Takime shumë më interesante janë zhvilluar në mes të Trepçës dhe Pejës, sidomos gjysmëfinalja e dytë, që është përcaktuar fituesi pas dy vazhdimeve, 107:105 për mitrovicasit, që kishin fituar edhe takimin e parë, 75:68.

Pejanët synojnë fitoren për të ngushtuar serinë në 2:1, ndërsa “Xehetarët” të fitojnë dhe kalojnë në finale.

Gjysmëfinalet e treta:

Nesër (e shtunë):

19:00 – Sigal Prishtina – Golden Eagle Ylli

Pasnesër (e diel):

17:00 –  Peja –  Trepça

Lajme të sponsorizuara

Të fundit
Ofrimi i cilësisë së lartë të pijeve bio dhe freskuese,…