Timo Werner vazhdon të lidhet me një largim të mundshëm nga Chelsea.

Sulmuesi gjerman nuk ka gjetur formën e tij më të mirë te skuadra e Chelsea dhe kësisoj ka humbur pozitën e titullarit.

Thomas Tuchel duket se nuk e ka lojtarin në planet primare as për sezonin e ri, duke bërë që Werneri të lidhet tani me largimin.

Sipas raportimeve të fundit, Newcastle United i është bashkuar garës për Timo Werner.

Lajmin e ka konfirmuar edhe Christian Falk nga gazeta “Bild”, duke e cilësuar si raportim të vërtetë.

Në garë për Wernerun është thënë se do të jetë edhe skuadra e Juventus, i cili megjithatë prioritet e ka Alvaro Moratan.