Osmani i përgjigjet Veliut, e quan shpifës e shantazhues

08 prill 23:46

Kryetarja e Kuvendit të Kosovës, Vjosa Osmani, përmes një postimi në llogarinë e vet në “Facebook”, ka shkruar se vendi ynë po kalon dy pandemi: atë të koronavirusit si dhe pandeminë e politikanëve të papërgjegjshëm.

“Prandaj këto ditë, përveç higjienës fizike, është me rëndësi të mbajmë edhe higjienë mentale nga përpjekje të ndryshme për kontaminim nga shpifës e shantazhues. Në të dyja betejat, #Dojadalim”, ka shkruar Osmani, duke iu përgjigjur kështu akuzave të Agim Veliut, edhe pse në këtë status nuk ia ka përmendur emrin.

Ky reagim i Osmanit vjen pas akuzave që i bëri sot nënkryetari i LDK-së, Agim Veliu, të cilën ai e quajti edhe përkthyese të Thaçit.

Gjithashtu Veliu tha se Osmani asnjëherë nuk ka guxuar të garojë në zgjedhje në komunën e saj.

Veliu e ka akuzuar Osmanin edhe për përkrahjen që po i jep LV-së.

/Epoka e re/

 

Lajme të sponsorizuara

Të fundit
John Arne Riise, ish-futbollisti i Romës dhe Liverpool, sot 39…