PDK-ja: Sabit Veseli ishte shpirt liridashës e atdhetar
06 gusht 2023
| 12:28
Sot, bëhen 13 vite nga kalimi në amshim i heroit Sabit Veseli.
Partia Demokratike e Kosovës (PDK) e ka përkujtuar atë në këtë përvjetor.
Sipas PDK-së, Sabit Veselin e karakterizonte shpirti liridashës e atdhetar, për çka u angazhua dhe kontribuoi tërë jetën e tij.
“Sabit Veseli u lind e u rrit në një familje patriotësh, dhe si ri filloi aktivitetin e tij kundër pushtuesit serb. Ai ishte një organizator e bashkëpunëtor i shkëlqyer, fjalëpak e vetëmohoues – një personalitet që meriton të kujtohet me nderimet më të larta. Lavdi jetës dhe veprës së Sabit Veselit! I përjetshëm qoftë kujtimi për të!”, thuhet në përkujtimin e PDK-së.