Partia Demokratike e Kosovës (PDK), në kuadër të shtrirjes dhe fuqizimit të saj në mërgatë, ka pasur aktivitet të shtuar në shtetin e Belgjikës.

Së fundmi, PDK-ja ka themeluar edhe tri nëndegë të reja në këtë shtet, duke e rritur në nëntë numrin e nëndegëve të themeluara në dy javët e fundit.

Atje u themeluan nëndega e Antwerpit, ku kryetar u zgjodh Hamit Bajra, nëndega e Bryzhit, ku kryetar u zgjodh Adonis Shala dhe nëndega e Aalst, ku kryetar u zgjodh Ibush Suma.

Të pranishmit i ka përshëndetur anëtari i Kryesisë së PDK-së, Zenun Pajaziti dhe kryetari i Këshillit për Degën e Belgjikës, Jetlir Llugani.