E premte, 19 prill 2024

Penda në Lupç të Poshtëm të Podujevës drejt finalizimit

13 shtator 2020 | 13:20

Nënkryetari i Komunës së Podujevës, Nexhmi Rudari, bashkë me drejtorin e Drejtorisë së Bujqësisë, Pylltarisë dhe Zhvillimit Rural, Vezir Januzi, vizituan punimet në ndërtimin e pendës për ujitjen e tokave bujqësore në fshatin Lupç të Poshtëm.

Nënkryetari Rudari u shpreh i lumtur që po përmbushin zotimet e dhëna për kultivuesit e këtij fshati dhe në këtë mënyrë po e lehtësojnë punën e tyre dhe po ndikojnë në rritjen e produktivitetit në kulturat bujqësore.

Ndërsa, drejtori Januzi tha se një pendë e tillë së shpejti do të ndërtohet edhe në fshatin Bajçinë.

(Q.R / Epoka e re)